Tag 1, essen, schlafe & Usgang

08, Jan. 2016

Geg die 11i am morge isch den die erscht vo eus langsam verwacht. Die ander churz druf abe au. Mer hend bim zmorge recht zuegschlage, so dass mer nacher grad wieder hend muesse go ligge. Wo den Tantene vom Schaffe heicho sind, hends eus kei Chance geh zum witerschlafe. Nachdem mer sich so lang nuem gse het, hets  natuerli einiges zum verzelle geh. Vorallem fuer d Fabienne ischs mega spannend gsi (hahaha), aber es het trotzdem fuer all viel zlache geh. 

Typisch brasilianisch hemmer zum erste zmittagesse Feijão uftischt becho. Schwarzi Bohne mit riis, herdoepfel und Fleisch. Spoeter simmer de Tia Fatima gschnell bide Arbeit go Hoi sege und tatsaechlich nomal e rundi go aneligge. Die Rundi  isch laenger gsi als erwartet. Am 8i am abig simmer ufgstande, wos den bereits scho die naechscht rundi esse geh het. Ihr gsehnd, de Titel vom Artikel passt wie angegossen :D

Tia Gloria het den mitem Jorge (Cousin) abklaert, wo mer am abig choend higah. Mi hend eus den parat gmacht und sind vode Tantene vor de vorgschlageni Club gfahre worde. Au da het euses Glueck wieder zuegschlage und mer sind vor gschlossene Tuere gstande. Mir sind den ines Taxi gstiege und de het eus voren andere Club bracht.

Nachdem mer de itritt zahlt hend, hemmer e Charte becho womer bim Getraenke bstelle muss ageh. (Seehhhr gfoerlich) 
Dobe  acho hemmer zersch mal Platz gno und dLuet chli abcheckt. Als ersts sind eus extrem spezielli leggins BIMENE MAH ufgfalle, und spoeter den Selfies vo sich kuessende Fraue. Den hemmer schnell 1 und 1 zeme zellt und bemerkt, dass mer imene Gayclub glandet sind. Speziells dankeschoen an Taxifahrer: MIR SIND NOED LESBISCH!!

Mir hend eus  schnell demit abgfunde und de Abig glich i allne zueg gnosse. Mir sind den mitere Gruppe vo Brasilianer is Gsproech cho und dFabienne het den Luet gfunde wo englisch und franzoesisch hend choene.