Santa Marta 🇨🇴

Mitm Bös simr de nach Santa Marta düset. Dert heimr ä wunderschöni Ungerkunft gha ir Villa Escobar. 😎 Ja genau dä Namä begleitet üs chli uf derä Reis. 🙃🙈😉 Ä wissi Villa mit Pool am Hoger womr Ussicht ufs Meer hei gha. 🌴🌊☀️😎 Sunnä, Strand u ä Villa so laht sächs oh la läbä. 😍😜

Ja da äs dert sehr heiss u trochä isch gsi bruchts de mägisch nid viu u de chas ahfah brönnä... 🔥

Leider hei äuä paar müssä bubälä u de hets hinger dr Villa ä chlinä Brand gä. 🔥 Zum Glück isch dr Nachbar gad umä gsi u het chönnä reagierä. 👍🏻 Dr Bsitzer het de när verzeut wemä hiä dr Füürwehr ahlütet geiz äs wili bis diä de mau chömä, da luägsch gschider säuber. 🤔🙄

Mir hei de no ä Usflug zum Nationaupark Tayrona gmacht. 🌿 Dert simr zerst dürä Dschungu gwanderet bis mir üs när am Stränd hei chönnä erholä. 😅😜🏝 Für umä zrügg heimr de gseit nämer ds Boot. 🚤 Iu du, dert hets gad mau 2 Böötli gha u de heisi eifach diä mau gäbig gfüut mit Lüt. 🙈 Isch intressant gsi denä zuä ds luägä wiä si das wei „organisierä“... 🙈😂

Einä isch chli ufm Böötli gsi, 🐒 einä isch umäglofä aus hätr öppis ds düä  🤔 u einä het de no dä Lüt wilkürläch Tickets usägä... 💰📝🙈😂 Aber niämer vo denä het dr Lead gha u gseit wiä das hiä söu abloufä für ids Boot. 🙈🤔🙄 D’Lüt si umägstangä u hei säch langsam gfragt ob das de längt für aui... 🤔 

Mi hets dünkt da dänkt jedä vo denä „Matrosä“: „Eh ja, bis itze heimr immer irgendwiä dä Kutter mit Lüt gfüut... Chunnt de scho wiäs muäss...“ 😅

Si si de änang no über ds gspanntä Seili gfahrä u de isches doch no los gangä im überfüutä Böötli... 👏🏻🚤🙈😂

De hei mir no ä Abstächer nach Minca i Dschungu gmacht. Ja dä cheib Dschungu hets üs scho chli ahda. 🌿🤗 Ds Minca heimr äs Hostel gfungä wo höch obä im Dschungu isch uh womä ä wunderschöni Ussicht het. 👏🏻😍 Aber zum dert mau härä ds cho heimr äs Mototaxi müässä nä, wöu dr Wäg dert uchä unäben, steil u steinig isch. 🏍⛰😳 Hinger drufä uf somä Enduro simr uchä ghönteret. 🏍💨🙈😅 Ja ig ha zwüschinä nid chönnä näbä abä luägä wöus entweder näbem Wäg eifach ds Loch ds dürab geit oder rütschig sandig steil ds düruf gangä isch. 🙈😳😅 Nach ärä haubstündigä Mototaxifahrt simr de doch no im Hostel ahcho. 👏🏻😍

Mir si chli ga loufä u de heimr gmüätlech bimä Lagerfür dr Abä u dr Sunnäungergang gnossä. 🔥🌄😍😉 Am nächstä Morgä bini de ids Yoga gangä. Äs isch wunderschön gsi für 1.5 Stund ds erwachä vom Dschungu ds ghörä u säuber Energie fürä Tag ds tankä. 👍🏻😍 

❤️ La pura vida me gusta mucho. ❤️