british columbia

nachem abentür alaska gastieri nomou 2 wuche in und um kamloops. mini basis isch einisch meh d'familie stone womi üsserst gastfründlech beherbärgt und wenn möglech sache mitmer ungernimmt. has sehr guet mit ihne und si hei sogar eine vode nöie goudfischli nach mir benannt - was fürne ehr. obwoui uf grund vo achilles sehne problem wieder nüm cha jogge, verbringi so vüu zit wie möglech outdoor und faus s'wätter mou nid guet isch, bini e tröie fan vom federer sim ungloubleche wimbledon turnier.

lere s'gebiet rund um kamloops nomou chli besser könne und mache tolli wanderige im mount revelstoke np. im fürs skifahre bekannte 'sun peaks' fahri sit langem mou wieder e sässulift und ufde zauriche seee paddlemer mitem kanu umhär.

bevori ufbriche richtig vancouver island weisi no geburi fire, wöusi angst hei asi mi geburi wie vormne johr wieder allei verbringe. hani hout scho am 15. geburi. bechume e super feine cheese cake.

uf geits zrüg nach vancouver island woni voremne johr mini absolut geniali reis gstartet ha. bi gspannt ufs b&b und fröie mi nomou chli dörfe d'insle vo victoria us z'gniesse - mou luege wie vüu täg asi wieder alleinige manager vom 'birds of a feather - b&b' bi.