27.07.2019

do euses visum in thailand abgloffe esch, hemmer chorz us thailand usemüesse ond drom hemmer entschede das mer uf kuala lumpur d’hauptstadt vo malaysia göhnd. kuala lumpur esch en beihdrockendi stadt gsi! en meschig us velle natione es hed malaie, chinese, inder, tamille, thais ond no veli witeri gha. die multikulturell stadt esch sehr fredlech ond hed sech sehr guet för en chline städtetrip geeignet. euses hotel esch ide nöchi vom zentrom gsi ond im 25. stock obe hemmer en rooftopbar gha wo mer die ganz skyline vo kulala lumpur gseh hend. onter anderem au d’petronas twin towers. das send die zwöi grösste zwillingstörm uf de wält wos gehd. mer send bi dene törm im ihchaufszentrom gsi dobe aber ned, well mer d’skyline au vo eusem hotel us prima gseh hend. à propos ihchaufszentrom mer send ih dene zwöi täg secher ih öbbe 5 riesige shopping mall senne gsi mer hend mängisch s’gfühl gha das die stadt nome uf ihchaufszentre bestohd. dementsprächend semmer au chli go shoppe well mer eifach ned hend chönne wederstoh. am obe esch im zentrom in bukit bintang ame en hufe los gsi. einisch semmer no go lasertec spele ond eusi gägner send zwöi 7-jährigi buebe gsi das esch au no rächt lostig gsi.