Piha-Henderson-Stillwater

11/03/2020

Dr Tag het hüt mit Rägä gstartet, aber nachere halb Stund isches de wider schön gsi. Hüt isch e gmüetleche Tag ahgseit gsi, wäschä u ikaufe in Henderson. Isch es recht es grosses Ikaufszentrum gsi in Henderson woni de ono gad z mittag ha gesse. Ner bini witer nach Stillwater ufene ganz e schöne Camping bim ne herzigä Hafä. D Lüt si wi immer sehr fründlech gsi, het nume 5 Plätz gha wo nid fixi Camper si gsi. Chum acho isch ei Person nach dr angere cho redä wo fixi Camper dert hei gha. Ha cooli Gespräch gha, o mit mim nid so super Englisch. Ner hani de znacht gmacht u bi ga schlaffe.

12/03/2020

Entlech widermau blaue Himmel gseh woni bi ufgstange. Ha de gad z morge gesse u mi uf zum Mount Victoria gmacht. Isch e chline Hügel wone wunderschöne Blick uf Auckland u d Vulkaninsle Rangitoto hesch. Ner bini abä i Hafä e Chicken/Avocado Salat ga esse isch mega fein gsi. Witers bini de nach Takapuna, ds Dörfli go aluege u dr Beach, mega schön gsi ou d Lüt spreche di eifach zmitzt uf dr Strass ah. Ner bini öpis chlises go Ikaufe u ner de wider ufä glich Camping. Dert hani de no Bekanntschaft gmacht mitemne Tschechischä Pärli. Spöter si si de no mit selbergmachtem Slivovic cho. Ha auso ner guet gschlaffe hahaha.