A bɔra kɛnɛ kan: 05.04.2018
Vo Gandoca simer witer nach Cahuita. Cahuita ligt o ar Karibikküste vo Costa Rica. Dert hei mir ä schöne Nationalpark bsuecht wo mir die verschidenste Tier u Pflanze gseh hei.
Da Ostere isch gsi hei mir grad chli müeh gha witeri geigneti Ungerkünft ds finge. Drum simer zimlech gleitig vor Karibikküste über San José nach La Fortuna witer greist 🚌
Grad näb La Fortuna ligt dr Vulkan Arenal. Dä Vulkan isch no zimlech jung u het ir Vergangeheit immer wider Füür gspöit 😉🗻 Dr letscht Usbruch isch aber o scho wider ä Chehr här u o während üsem Ufenthaut hets leider kes Füürwärch gäh... Drfür hei mir die schöni Natur ume Vulkan bsuecht u die unzählige heisse Quellene gnosse 😎☀
U no öpis: d'Ticos (Costa Ricaner) ässä zum z'Morge Riis mit Bohne, zum z'Mittag Riis mit Bohne u zur abwächslig am Abä no mau Riis mit Bohne 🙈
So mängisch hei mir bis itz no nid Riis mit Bohne gha, aber we mir Hei chöme, wärde mir sicher nid Riis mit Bohne choche 😂😂😂