Letschti Mai Täg

Am Mänti bini miter Maria iz Kirkkopuisto Cafe u id Bib ah üsere letschte Abgab schaffe. Am Zischti bini am Nami chli für mi ane See bi üs ir nechi vom Appartment u ha när no ah mire Arbeit witergschaffet. Am Mittwuch isch oh wieder wunderschöns Wätter gsi u d'Maria u i sie zum Morton ga Burger ässä, när simer id Bibliothek woni d'Arbeit noh ha fertig gmacht u bi när ah See zu de angere. Am Abe simer no es letschts Mau iz Heidis u hei ufem Heiwäg dr Sunneufgang gluegt. Am Friti het Akos dr letscht Tag gha u mir sie am Mittag ga Sushi ässä u i ha am Nami no mini auerletschti online Vorläsig gha. Nachdere bini ih Stadium Outlet gah Sache choufä für mini bevorstehendi Velotour u am Abe simer aui zämä iz Escape. Am Sunnti isch Finnland Hockey Wäutmeister wordä u mir (Thom, Nadine, Silvi, Britt und ig) sie für z'Spiel ines Public viewing iz Revolution. Hiä heisi irgendwie kes grosses Public viewing sondern numä Fernseher i Bars. D'Stimmig isch ni ganz so gsi wimer üs das bimene Wäutmeistersieg hei vorgstellt hahaa. Aber anschienend isch z'Helsinki u z'Tampere chli meh gfyret u gjubblet wordä. / Nachem Nationalpark am Zischti bini miter Julie und ihrem Bsuech iz Beans and more gah pancakes ässä, när nomau i prisma gah dr räscht choufä für d'Velotour u am Nami sie Thom u Zsombor verbi cho für Tschüss z'sägä wiu sie heigöh wie eh grosse Teil vode Lüüt :( Am Abe hei d'Maria aus Abschluss für üsi letschti Nacht z'2t im Appartment dr Koppari Commonroom gmietet u hei Fium gluegt u Pizza bsteut.