Aurinko vihdoin

Ändlech Sunnä!!!!! sit fasch übere Wuche heimer hiä ke einzige Sunnestrahl gseh u so hani nachem z'Morgä gad usä müessä. I bi ufene Erkundigstour ir Ortschaft woni wohne (Kuokkala), wome sehr  schnäu im Wald isch, i bi oh wit u breit die einzigi Person gsi. Nachem chlinä Wald bini bis zur University of Jyväskylä glofä wo eini vode zwöi Brügge vor Stadt isch. Woni bi heicho bini när sponti nomau id Stadt u bi mitere Dütsche (Sarah) wohni kenneglehrt ha bim Schlöflä u mirä Mitbewohnerin ih paar Secondhandlädä u bi när ohno öbis ga trinkä miter Sarah. Woni bi heicho hani när eh Mäudig becho dasmr üses IKEA päckli chöi ga abholä u so simer im Schneegstöber zum Supermarkt u hei dert üses Päckli agholt, mir hei ni schlächt gstuunet wosi zersch miteme riese Flachbildschirmfernseh uselouft aber mir hei schlussendlech doch z'richtige becho. Fun fact; da i jegliche Korrespondänz mit IKEA uf Finnisch ha becho hani natürlech immer Übersetzigsprogramm brucht. Zum Glück vertroui ja Deepl u ni Google Translate wiu wenni nach däm wär gange hätti eh Kleiderbügel müesse mitnäh anstatt mire ID hahahaaa.