ni hao beijing & shanghai

nachemne problemlose flug über soeul simer im riesige peking acho. ases nid ganz so suber und gordnet wird si wie in japan heimer gwüsst, s'gliche güut mit gsperrte sache im internet (vpn heimer vorgängig abeglade) und weniger englischkenntnis. asmer de gad e eher negative kulturschock bechömme, das heimer jedoch nid erwartet. es isch lut, vüu sache si schmudelig und d'chinese si rücksichtslos + abgseh vo ihrere sproch rede si nid vüu angers. aber okei gäbemerne e chance und tüe üs mou chli akklimatisiere.

die stadt isch ungloublech gross, mir loufe immer no vüu (jede tag um die 20km), aber da die meiste sehenswürdigkeite wit usnang si nimmtme d'subway - die isch guet, eifach und günstig. i de zt sehr witlöifige parks gfauts üs fasch am beste. vom jingshan park (kohlehügel) hetme e gueti 360° sicht ua ou uf die imposanti forbidden city. dr beihai park ligt gad näbedra und lad ih zum eifach chli d'rueh z'gniesse. weme chli s'läbe vode iheimische wott gseh got me so ine innehofpark wome cha härehocke und zueluege wiesi spile, tanze, hoor schnide etc. im summerpalast park zauht me zwar itritt und mi teiltne mit ganz vüu angerne lüt (wie öpe aues in peking, sogar ir näbesaison) aber är isch schön gmacht und weme scho gad i däm stadtteil isch lohntsech ou no e bsuech im aute summerpalast wo nur 30 gehminute entfärnt isch - weme nid probiert abchürzige z'näh. amne obe isch e spaziergang dürs '798 art district' lohnenswärt oder no besser dür die bekannte 'hutongs' (aute änge gässli) wome je nach lust und lune cha interessants zügs probiere. uf üsi frog obmer hung gässe hei (und mir hei eidütigi hundelut vo üs gäh) heter mit öpisem wie 'no, two dogs' gantwortet. ouso wüssemer bis hüt nid obmer wük hung gässe hei oder vermuetlech nur wieder was fausch verstange hei. e richtig kuule tag isch de dr usflug zur mur in mutianyu worde und es isch verständlech wisos 'the great wall' heisst, die isch absolut grossartig. über 21'196km ischsi mou gsi und hüt erstreckt sech das wäutwunder, wo ihdringlinge vom norde hätt söue ufhaute, no um die 8'851km. bevormer d'houptattraktion im stadtzentrum in agriff nähme, verbringemer e lustige tag im (fasch läre) happy valley park wo zwar mega schön gstautet isch, d'achterbahne üse adrenalinspiegu aber nid gross ufespicke. am letschte tag wagemer üs mit dr masse (durchschnittlech 40'000 bsuecher pro tag) i die verbottnigi stadt ine und si beidruckt ab au dene gebäude & dr grössi. dr grund füre name bezieht sech druf, dass dr zuetritt bis 1911 fürs eifache vouk verbotte isch gsi.
nach 5 täg heimer üs chli as läbe do gwöhnt. die ständige sicherheitskontroue und kameraüberwachig überau nimmtme gar nüm richtig wohr und mir wüsse womer guets ässe bechömme. as eifach aues mitem handy (wechat/alipay) zaut wird, kreditcharte öpe nie und cash abundzue nid akzeptiert wird isch scho krass. sogar bim street food im hingerletschte dunkle gässli beglicht me sini schuld mitem scanne vom qr code. dr chinese macht wük aues mitem natel und git so dr regierig natürlech die perfekti kontroue.
lustigerwis isches das aber ou scho fasch gsi mit dr moderne, süsch würkt sehr vüu eher verautet.

e nachtzug und 16 stung spöter erreichemer üses zwöite ziu. shanghai würkt vom erste ougeblick ah agnähmer. d'luft isch dütlech besser und dr verchehr einiges lisliger wöu nur elektroroller umefahre. s'meiste isch z'fuess erreichbar und süsch isch d'subway ou wieder e verlässleche rückhaut. klar es isch aues moderner, somit türer und exklusiver, aber mi cha immer no sehr günstig & guet ässe und nächtige weme nur 2 strosse witerhingere louft. e kuule tagesusflug erläbemer in suzhou wo bekannt isch aus venedig vo china. die bekannti nanjing shoppingstross loht fasch keis portmonnaie locker ou wenn d'prise nid nur china like si. erholig chame i eim vode zauhriche stadtparks finge, eifach jo nid ufe schön pflegt rase stoh, süsch wird me vehemänt zrügpfiffe. d'skyline vo shanghai isch zimlech abgfahre, bsungers miter liechtershow am obe. immer wieder kuul isch frücht choufe, die si aui so gross und die meiste schmöcke ou fein. so göi die täg ir vouksrepublik verbi wie im flug verbi und scho isch novämber.

es isch immer e momäntufnahm und je nachdäm wasme gwöhnt isch oder scho erläbt het i angerne kulture isches eim nöcher oder hout nid, aber für üs si die schmatzende, gorpsende & spöiende, (meist) egoistische chinese wo i üsne ouge kei astang hei keis symphatischs vouk. hüuft ou nid grad as es zigarettepäckli nur ca. 1.50 isch und si drum überau ständig rouche. froh heimer üsi chinareis, wo nur e bruchteil vo däm immens grosse land zeigt het, in shanghai beändet - das machts chli versönhnlecher. nid fausch verstoh, es isch es schöns land und s'ässe isch guet, eifach d'lüt i dene zwe stedt hei üs nid positiv beidruckt. 
song zum im aute china z'schwelge; oogway ascends - hans zimmer, john powell

tipps & tricks für china;
- vorgängig plane, s'internet isch enorm schlächt und dr vpn funktioniert meistens ou nid. kei zuegriff uf google, insta, facebook etc.
- e translater app abelade wome cha drirede.
- lieber zersch china und de nach japan;)
- güebt si im squatte, meistens si d'wc nid vüu meh aus es loch.
- mi wird agstarrt und gärn mitfotografiert, ouso gueti frise ha.
- die beste orophax wos git derbi ha, d'grüsch wo chinese (vor auem bim schlofe) mache si horror.
- offe si zum zügs probiere, uf dr stross wie im supermarkt. dasch immer wieder witzig und je nach däm ou lecker.
- e coiffeurbsuech isch es erläbnis, für wenig gäud wirdme verwöhnt und am schluss chas sogar guet usgseh.

nach gschetzte 500 rundine jokere (gratulation zum 'verdiente' sieg) und e monet lang 24/7 awäseheit verloht mi s'mimi richtig schwiz. danke vüu mou für die super zit und jederzit wieder.
mitem bedürfnis uf meh natur und weniger lüt flügi nach cebu, woni mini philippinereis wirde starte & plane. juhuu flipflops, tanktop und strand:)

----- english part -----
I guess it always depeneds on what u're used to and what u already have experienced with other cultures. some are closer to u than others. for us the loudly chewing, burping, spitting, (often) selfish Chinese people who in our opinion behave pretty poorly, are not a really friendly population. doesn't help there's smoke everywhere and all the time, but no wonder when a pack of cigarettes costs 1.50. glad we could finish our China trip, which consisted of only a fraction from this huge country, in Shanghai (it's a more civilization) - that makes it a bit more forgiving. don't get it wrong, it's a beautiful country and the food is yummy but in this two cities the people just didn't leave a good impression on us. 
song to imagine the old China; oogway ascends - hans zimmer, john powell

tips & tricks for China;
- plan ur journey in advance, wifi is slow and the vpn doesn't work most of the time anyways. no access to google, insta, facebook etc.
- download a translater app which u can use with ur voice
- first China and then Japan;) otherwise u will be spoiled from the Japanese culture.
- learn how to squat before China, mostly it's not more than a hole.
- people stare at u and want to take pics, have ur nicest smile ready.
- bring ur best earplugs, the noises Chinese (especially while sleeping) are horrible.
- be open minded for trying stuff, on the streets or in supermarkets. it's always fun and sometimes even delicious.
- going to a hairdresser is an experience. they treat u like a king for little money and if u're lucky u even like the result.

after hundreds of rounds playing cards with a 'well deserved' win and one month 24/7 on my side, Mimi is leaving me direction home. thank u very much and anytime again. with the desire of more nature and less people I'm flying to Cebu. where I start & plan my trip on the Philippines. yeah flip flops, tank top & beach:)