17./18 an 19. Dag - vun Oberweißenbrunn zu Bad Kissingen

Moien, meng Léif,

de Wee vun Uewerweißenbrunn op Bad Kissingen war nees schéin! Et ass duerch eng onheemlech flott Natur gaangen. Duerch d’Iwwernuechtungssituatioun hu meng Féiss ronn 35km missen ofdecken. Ech hätt gären méi Zäit fir déi schéin Natur geholl, mee ech muss spéitstens um 18 Auer am Hotel sinn fir anzechecken.

Bad Kissingen ass iwwregens schéin vu Bësch ëmgi an ass och eng schéin Stad.

Ech hu mech fir 3 Nuechten an den Hotel gebucht fir ze kucken wéi d'Iwwernuechtungssituatioun sech fir déi nächst Kilometer entwéckelt. A wat soll ech soen... Et ass wierklech bescheiden! Eigentlech wollt ech op Würzburg goen... Leider krut ech direkt Annulatioune fir d'Iwwernuechtung fir déi éischt zwou Etappen/Deeg. Méi wéi 40 km den Dag zu Fouss sinn definitiv net méiglech. Einfach Etappe mam Bus oder Zuch iwwersprangen ass och schwéier an der Regioun. Ausserdeem bidden vill Wiertschaften keng Iwwernuechtungen méi un oder d'Gaaschthaiser si komplett zou. Restauranten sinn och dacks nëmmen de Weekend op (eigentlech, op menger Wanderung bis elo, konnt ech net mol eng Paus an engem Restaurant maachen, well en entweder komplett zou war oder nëmmen e puer Deeg an der Woch op a ganz dacks eréischt no 5 p.m....). D'Corona schéngt hei ganz kloer Spueren hannerlooss ze hunn... Zousätzlech si Pilgerreesen an Däitschland wierklech deier! D'Präisser fir eng Iwwernuechtung iwwerschreiden d'Informatiounen a menge Reesguiden ëm 10-20 Euro. An ech hunn eigentlech déi aktuell Editioune. All dat hëlt vill vum "Fräiheetsgefill" an der Liichtegkeet vun der Wallfahrt ewech.

Elo gëtt et och de Fait, datt eng Autoritéit mech per Bréif kontaktéiert huet an ech eigentlech wg. eng Paraphrase muss dohinner goen -_-. Et wier wuel och méiglech gewiescht, een per Proxy dohinner ze schécken... mee bei all deenen ernimmtenen Ëmstänn (an dem Plang fir Enn Juni souwisou kuerz zeréck ze kommen an nëmmen ze maachen wat ech wierklech Loscht hunn ze maachen während menger Fräizäit ouni mech zu eppes ze zwéngen) hunn ech haut décidéiert op d'mannst d'Pilgerrees an Däitschland hei zu Bad Kissingen ofzeschléissen. Et waren ongeféier 380km vu Leipzig op Bad Kissingen :). An ech hat wierklech wonnerbar Momenter um Wee an duerch atemberaubend Landschaften gewandelt. Bis elo war et eng onheemlech flott Erfahrung!

Et geet wuel iergendwou waarm am Juni fir e puer Deeg ier d'Fusioun Ufank Juli ufänkt :D.

D'Pilgerrees geet dann am Juli weider (wahrscheinlech direkt a Frankräich) :).

Entspaant Gréiss