Fest Verão 1 und 2 Abig

10.01.2016 

Eimal meh hemmer mega lang gschlafe.. nachdem mer widermal richtig fein bechocht worde sind hend eus Gloria und Fatima anes Musicfestival gfahre. S´festival het recht viel spoeter als erwarted ahfgange drum hemmer ca. 1.5h muese im rege warte. Trotzdem hemmer aber viel zlache gha. Wommer denn entlich hend choene inegah isch denn zum glueck au s´wetter besser worde. Es het eis partyzelt geh wo house und elektro gloffe isch sust isch ueberall nur forro gloffe. Am afang ischs eus nochli fremd vorcho will eus ufgfalle isch das brasilianer meischtens i groessere Gruppene unterwegs sind. Aber spoetistens nachdem mer im einte Partyzelt eusi foerigi energie hend choene uselah (mer sind go stampfe und gumpe) hemmer eus mega wohl gfuelt. 

Luschtig hemmer au no gfunde wie d´maenner da eim scho wend kuesse bevors ueberhaupt de name wuessed. Aber mer muend zuegeh dMaenner da entspreched bis jetzt no gar ned eusem gschmack. Drum hemmer au guet choene druf verzichte. 

Peinlicher isches ehner gsi dass au immer mal wieder eine het wele tanze, was ja eigentlich no luschtig het choene werde. Aber mir hend beidi kei Ahnig wie mer Forro tanzt, vorallem wenn mer de andere zuegluegt het, hets eim grad chli igschuechteret. 

Demit ihr eu epis choend drunder vorstelle, da no en Link vom 2015.
Vo dem Jahr hemmer leider no keis guets Video gfunde:

https://www.youtube.com/watch?v=omc1m5_eH3c

Schad hemmer chli gfunde das mer a keim Ort het choene sitze. Das hemmer nach 5 Stund umelaufe gmerkt und sind drum au scho fuer eusi verhaltnis frueh hei gange. Tantene sind ganz erstuunt gsi womer scho am 10i am abig wieder uftaucht sind. (Ja, au mir choend mal frueh hei)

Fuer de nechscht sunntig hemmer drum die bessere Tickets kauft, wos au sitzmoglichekeite git. 

17. Jan. 2016

Zum zweite mal simmer a das Festival gange. Mir hend zwar das mal die bessere Tickets gha, aber sind glich die meischti zit im Hauptareal gsi. Mitem Wetter hemmers das mal au super troffe, es het erst echli afange regne womer im taxi ufem heiweg gsi sind. 

Mir sind au das mal wieder go stampfe im Zelt und hend das mal sogar forro tanzt. Sobald mer sich chli ueberwindet ischs gar ned so schlimm. Im Gegeteil..mir hend die brasilianer richtig ueberzuegt mit eusne Moves :D

Luschtig isch au no gsi das mer en neue Kolleg gfunde hend. Mir hend bim schlafe nebetem Festzelt ufglese und vo det eweg mitgno. Arthur hetter gheisse und het sich mega bedankt bi eus :)

Mittlerwile hemmer doch no en link vo dem jahr gfunde:

https://www.youtube.com/watch?v=gHHyjX5Ke4E