Guyasamin Museoa

Kultura zen atzoko agendan: Quitoko Guyasamin museora egindako bisitak izugarri hunkitu ninduen. Ekuadortar margolari hau indigenen sufrimendua eta miseria adierazten saiatu zen, baina baita zapaldutako beste populazio talde batzuena ere. Atsekabea, mina, beldurra, amorrua, haserrea, baina baita maitasuna eta itxaropena ere aurpegietan eta eskuetan agertzen dira. Irudi sorta hauek oso ikusgarriak eta hunkigarriak dira, baina Guyasaminek bizi eta lan egin zuen museoaren arkitektura eta kokapena ere bisitatzea merezi du.