Publicat: 12.01.2018
Zu mim Geburi simr nach Mendoza inä härzigi Finca i dä Wiräbä greiset. 🏡🍇 äs wunderschöns Geburigschänk woni vo mim Spätzu becho ha 😍
Hiä ds Mendoza isches sehr heiss u trochä darum hei mir üs gseit: „save the wa(l)ter, drink more wine“ 😜🍷
Am erstä Abä het dr Bsitzer vor Finca, dr Salvador, äs „Asado“ (argentinisches Grillfest) gmacht.🍗🥩 Mir hei mit 6 angerä lustigä Gest eis vo dä bestä Steaks bis itze chönnä gniässä mit eim, zwöi, drü Gleser vom feinä Malbec Huswy 🍷😍 La pura vida 😘
Am zwöitä Tag hets dussä im wunderschönä Gartä äs feins z’Morgä gä 😍 gsterkt simr de ä Füährig im Wyguät „Septima“ ga luägä mit ämä gourmet Lunch 🍇🍴🍷😎 ds ässä isch passend zu ihrem Wy gsi u sehr schön ahgrichtet. 🍴🍷👏🏻😃
Am nächstä Tag simr de mitm velo no zwöi chlineri Wygüäter ga ahluägä. 🚴♀️🚴🏻♂️🙈😅
Ds eintä vo denä (Budeguer) isch äs BoutiqueWyguät gsi u het ä eigätä See gha. Dert isch dr Wisswy sogar üsä Favorit gsi 👍🏻🤗
Ds angerä (Dolium) isch oh chli gsi u dr Bsitzer het üs meh erklärt eimä Wydegustiert u wiä är si Wy müglechst ökologisch duät härsteuä. 🍇 Isch auso sehr intressant gsi u de simr wider zrügg gradlet mit üsnä autä Drahteslä 🚴♀️🚴🏻♂️💨🙈😅
Ja dä Malbec da in Mendoza het üs auso scho no passt 🍷😁
Am letschtä Morgä simr de no chli im Gartä gsi, hei gläsä u diä schöni Ussicht gnossä... 🍇😎😍
Nach 3 wunderschönä Täg hei mir schwärenhärzens vor Finca müässä abschid nä u si richtig Stadt für när ufä Nachtbös nach Santiago 🚌🙈😔