S erscht mal in bulgarie... Bis jetzt hani no ned emal würkli gwösst wo in europa dasis mue go sueche... Und scho bini do. ich bin in sofia glnded und han mit em reto bim busbahnhof abgmacht... Da ich mine orientierigskünscht mit de metro ned so traue suech ich mir es taxi . Es hed de grossi auge ge bi mir wo de fahrer doch au grad no dütsch mit mir gred hät:) und so hani scho uf dere 15 min fahrt so seint oder anderi vo sofia dörfe erfahre. Nach ere 2 stöndige bus/gar fahrt semer den in plovdiv a cho. Uf em weg zum reto sim host... Ded han ich s erscht mol was vo couchsurfing ghört und hans grad dörfe miterlebe wie gaschtfründlich die lüt sind wo ded mit machet. Bin begeischtered vo dem ganze sischtem und isch e tolli sach für jede wo gern uf reise au wend iheimischi mensche treffe und kennelerne. Euse gaschtgäber isch en grichische musigstudent wo klassischs piano spielt . De nächschti morge verbringe mir am fluss i de stadt und ich erläbe s erscht mal wie so e gaida tönt. Hmmm jaa also mini begeischterig hed sie ded ned empflamt aber mir gwönt sech schnell a die recht schrille tön wo sie chan abgeh;) am nomitag semer den mit em maxma(de host) go z mittag esse und hend eus solang er no schuel hed nocher im amphiteater d sunne uf de chopf lo schine. En herlichi atmospfäre wo ded härscht. So rechtig entspants  feriegfühl.  Am nächschte namitag simmer den mit em maxma chli plovdiv go a luege hend vo dene 7 hügel erfahre wos git und sind uf 3 devo go d usecht über d stadt go gnüsse. All zu schnell sind die täg verbi und am letschte entscheidemer eus 2 e std wit ines spa eus chli z verwöne loh. Hend e gmüetliche nomi ded verbracht mit chli bade und sauna und de is scho weder ziet für is bett. De nächschti morge foht früe a für mich am 6. 20 fahrt scho de gar rechtig sofia und ich verabschide mich schweren herzens vo bulgarie und vom reto. Heti den scho gwüsst dasi weder chum wers mer liechter gfalle:)