20.12. - 27.12.2023 - San Juan, Woche 3

20.12.2023

Am 20.12. händ mer en Tour im Rägewald El Yunque gmacht. Met eme Schuelbus send mer abgholt und det he gfahre worde, wo euse Tourguide uf eus gwartet het. Nachdem mer wasserfest und usgrüstet met Schwimmweste gsi send, ischs au scho losgange dur de Jungel. Zerst semmer emne schlammige Pfad gfolgt, denn im Fluss es Stück ufe, bevor mer en schlammige & schlifrige Hügel ufeklätteret send und witer send. Unterwägs hend mer vom Tourguide inputs über de Rägewald becho und Mimose gseh!
Denn send mer scho be eusem Ziel acho; natural water slides im felse. Nachdem mer no es stück ufeklätteret send, händ mer über 2 waterslides chöne rutsche und vo es paar klippe abegumpe und met eme Seil is Wasser schwinge.
Denn send mer weder zruggfüehrt worde (chli weniger abendtürlich wie bem hiwäg). Zrugg bem Parkplatz händ mer eus de schlamm abgwäsche und in trocheni chleider chöne wächsle und mer send met eme stopp anere Ässenstross weder heigfahre worde.
Ich cha die Tour sehr empfähle, s het sehr spass gmacht.


21.12.2023
Mer send weder durch Old San Juan gschländeret, eigentlich uf de Suechi nach de berüehmte Stross wo met Rägeschirm gschmückt isch, aber denn hämmer usegfunde, dass d Rägeschirm vor de Hurricane season abgnoh wärde und sie noned weder ufghängt worde send. S het trotzdem vell schöni fötteli geh.
Am Obe send mer denn weder im Usgang uf Old San Juan.


22. & 23.12.2023
I dene Täg het sich min Körper glaub de ganz Schlof zruggholt, wo er i de letzte paar Mönet ned becho het. Es send allgemein sehr ruhigi Täg gsi, ich ha vell gläse, be an Strand und ha gjournalet.


24.12.2023
Well Heilig Obe weder en Sunntig gsi isch, hets weder Party geh i de Villa Eshta, was bedütet, dasi de grossteil vom Tag weder usserhalb verbrocht han. Vorallem am Obe beni lang am Strand gsi (und ich han usegfunde, dass weni chli züg am Handy verstelle, ich Fottis vo de Stärn cha mache!! 10/10 experience, da het mer sehr freud gmacht.)


25. & 26.12.2023
Wiehnachte am Strand im warme isch sehr empfehlenswert. :)
Am 26. isch Vollmond gsi, au da isch am Strand sehr toll.


27.12.2023
Am Obe hets am Strand en Vollmondparty geh, wo mer eus dezuegsellt händ. Leider isch alls, was sie ums Lagerfüür gsunge händ, spanisch gsi und mer hend nüt verstande, deför hend mers aber gmüetlich chli näbedra gha und hend denn in Geburtstag vo de Anouk inegfiiret.

🌻

Facts of the days:

• Sexy hot jungle Mami
• Die typische Palme wo mer met de Karibik verbindet sind eigentlich gar ned vo do sndern igschleppt worde
• "What you ganna do?" "Run away!"